SDE / ALBISTEAK

Mendilibar: "Gironara gure futbola egitera eta beraien zelaian presionatzera goaz. Argi egon behar dugu"

Deialdia bihar emango du entrenatzaile armaginak, baina bertan ez dira Pedro Leon eta Gonzalo Escalante egongo

Itzuli

04/10/2018 14:20

Jose Luis Mendilibar kazetarien aurrean izan da gaur, taldeak larunbatean Gironaren aurka jokatu beharreko neurketaren atarian. Entrenatzaile armaginarnetzat garrantzitsua da garaipena eskuratzea, batez ere hurrengo aste bietan jardunaldirik ez dela egongo kontutan hartuta. 

“Ondo legoke atseden astera garaipenarekin iristea, batez ere sailkapenera begiratu eta hor behean zaudela ez ikusteko, baina ez da erraza izango. Seguru nago irabaziz gero berriz ere beste talde askorekin lehian jartzen zarela hor goian", azaldu du. 

Mendilibarrek ez du uste larunbateko norgehiagoka iaz jokatutako biren antza izango duenik. "Iaz egindakoa errepikatzea zaila da. Neurketa biak oso onak izan ziren, eta horregatik da zaila. Taldeak ez dira gehiegi aldatu. Beraiek entrenatzailea aldatu dute, baina taldearen oinarria berdina da".

Orain arte lau partidu jokatu ditu Gironak etxean, bat irabaziz, beste bat berdinduz eta bi porrotekin. "Kanpoan etxean baino hobeto ari dira, baina estatistikak epe laburrera egin beharrean luzera begiratu beharra dago. Une honetan emaitza oso ezberdinak ikusten dira. Goian daudenak ez daude alde handira, eta neurketa bat irabazten duenak hurrengoan galdu egiten du... Orain arte ez da diferentzia handirik ikusi". 

Larunbateko aurkariari buruz aritu da, eta Gironako Stuani aurrelariari buruz mintzo da. "Stuani ona da area barruan, erremateetan, aurkariarekin burrukan eta posizioa irabazten. Areatik kanpo mantentzen saiatu behar dugu. Halakoetan, ordea, bere alboan dagoen Portu azaldu ohi da, espazioekin trebea den jokalaria. Gu gurera joango gara, gure futbola egitera eta aurkariaren zelaian presionatzera. Bizkorrak izan behar dugu". 

Deialdia bihar emango du Mendilibarrek, baina bertan ez dira Pedro Leon eta Gonzalo Escalante izango. "Pedro eta Gonzalo dira min hartuta dauden bakarrak. Pedrok oraindik luerako du, eta Escalantek bere tratamenduarekin jarraitzen du, fisioekin eta adaptatzaileekin lanak egiten. Atzo espezialistarekin egon zen eta lasai gaude, albisteak onak dira". 

SDE / HURRENGO PARTIDA

21:00 21-01-2019
Sarrerak erosi

SDE / Agenda

26 URT

18:30 Municipal de Butarque

Partidua

Jardunaldia21 CD Leganés - SD Eibar

02 OTS

20:45 Municipal de Ipurua

Partidua

Jardunaldia22 SD Eibar - Girona FC

10 OTS

18:30 Ramón Sánchez-Pizjuán

Partidua

Jardunaldia23 Sevilla FC - SD Eibar

17 OTS

Municipal de Ipurua

Partidua

Jardunaldia24 SD Eibar - Getafe CF

24 OTS

Estadio San Mamés

Partidua

Jardunaldia25 Athletic Club - SD Eibar

Agenda ikusi