SDE / ALBISTEAK

Garaipenak ihes egin dio Eibarri azken hatsean (1-2)

Esku hutsik zoritxarreko amaiera baten ondoren

Itzuli

17/03/2019 14:30

Eibarrek Real Valladoliden aurka galdu du Ligako 28. jardunaldian. Zoritxarreko amaiera izan du armaginentzat neurketak; izan ere, lehia kontrolpean izan eta gero, Valladolidek markagailua iraultzea lortu du azken minutuetan. Orellanak taldea aurreratu bigarren zatiaren hasieran baina ostera, Verdek penalti marratik eta Guardiolak garaipena eman diote Pucelako taldeari.

Eibar gehiago izan da norgehiagoka osoan zehar. Baloia zuhurtzia handiz mugitu du eta arriskuarekin iritsi da aurkako areara. Laster iritsi dira eibartarren lehen aukerak. Enrichek burukada eder batez saiatu da lehenik, eta ondoren, Jordánek jaurtiketa ezinhobea egin du baina ez da gai izan Masip gainditzeko. Bien bitartean, Real Valladolid kontraerasoan saiatu da. Planok abagune ona izan du baina atsedenaldira hutsean zen markagailua.

Bigarren zatian, armaginak golaren bila irten dira eta erdiraketa onen bitartez, Real Valladolid bere ate azpian sartu dute. Hasi eta berehala, iritsi da eibartarren gola. Charlesek bigarren zutoinean burukatu du Coteren erdiraketa eta Orellanak sare barrura bidali du baloia. Ostera, Enrichek abagune paregabe izan du lasaitasunaren gola egiteko baina Masipek erantzun bikaina eman dio aurrelariaren jaurtiketari.

Eibarrek partida kontrolpean zirudinean iritsi da amaierako emaitzan eragin handia izango zuen jokaldia. Epaileak penaltia adierazi du Real Valladoliden alde eta Verdek ez du hutsik egin. Berdinketa kolpe latza izan da jokalarientzat, baina neurketa berdinketarekin amaituko zela zirudinenean, Guardiolak bigarren egin du Pucelako taldearentzat. Hala, Eibar esku hutsik gelditu da azken hatsean.

SDE / J28 LaLiga Santander

Ordezkoak

Ordezkoak

Estadioa

Municipal de Ipurua (3.956 ikusleak)

Gol

  • 1-0 (54'). Orellana
  • 1-1 (90+1'). Verde (p)
  • 1-2 (90+3'). Sergi Guardiola

Epailea

David Medié Jiménez..

SDE / Agenda

09 UZT

19:30 Municipal de Ipurua

Partidua

Jardunaldia35 SD Eibar - CD Leganés

12 UZT

14:00 RCDE Stadium

Partidua

Jardunaldia36 RCD Espanyol de Barcelona - SD Eibar

16 UZT

Municipal de Ipurua

Partidua

Jardunaldia37 SD Eibar - Real Valladolid CF

19 UZT

Estadio de la Cerámica

Partidua

Jardunaldia38 Villarreal CF - SD Eibar

Agenda ikusi