SDE / ALBISTEAK

Emakumezkoen lehen taldea Pradejoni gailendu zaio (5-1)

Armaginek lehen zatian bideratu dute neurketa eta garaipen berri bat eskuratu dute

Itzuli

30/09/2018 16:31

Emakumezkoen lehen taldea sendo gailendu zaio Pradejoni etxean jokatutako Ligako laugarren jardunaldian. Eibartarrak sasoiko daude eta hasiera bikainari jarraipena eman diote gaurkoan hiru puntuak eskuratuta. Telletxearen neskek laugarren garaipena jarraian lortu dute eta lehen postuetan dira dagoeneko. Gaste, Idoia (2), Michi eta Gantxegi izan dira golegileak.

Lehia hasieran, ordea, lan egin behar izan dute neskek. Pradejonek gauzak zail jartzen saiatu da, baina lehen golarekin batera neurketa bideratzea lortu dute. Ordu laurdena pasa denean iritsi da lehena. Gastek sare barrura errematatu du eskuin hegaletik iritsi zaion pasea. Handik bi minutura, Idoiak bigarrena egin du Sheilaren erdiraketa ezinhobeto aprobetxatuz.

Pradejonek, baina, ez du amorerik eman eta falta jaurtiketa batean errenta murriztea lortu du. Eibartarren erreakzioa, aldiz, berehala iritsi da. Michik hirugarrena egin du eta errioxarren esperantzak zapuztu ditu.

Bigarren zatian, Telletxearen neskek eskarmentu handikoak direla erakutsi dute berriro ere, eta emaitzarekin espekulatu beharrean, errenta handitzera joan dira. Hala, lehenik Idoiak, eta ostera, Gantxegik, aurkako atea zulatu dute, gol festa berria lortuz.

SDE / Agenda

12 AP

Municipal de Ipurua

Partidua

Jardunaldia31 SD Eibar - Valencia CF

22 AP

Nuevo Los Cármenes

Partidua

Jardunaldia32 Granada CF - SD Eibar

26 AP

Municipal de Ipurua

Partidua

Jardunaldia33 SD Eibar - C.A. Osasuna

03 MAI

Ramón Sánchez-Pizjuán

Partidua

Jardunaldia34 Sevilla FC - SD Eibar

10 MAI

Municipal de Ipurua

Partidua

Jardunaldia35 SD Eibar - CD Leganés

Agenda ikusi