SDE / ALBISTEAK

Eibarrek puntu bakarra eskuratu du Leganesen aurka (2-2)

Armaginek ezin diote lehen zatiko errentari eutsi eta berdinketa lortu dute amaieran

Itzuli

26/01/2019 20:46

Eibarrek bina berdindu du Leganesen aurka Ligako 21. jardunaldian. Armaginek etekina atera diote lehen zatiari. Aukera handirik egin gabe 0-2 aurreratu dira. Atsedenalditik bueltan, ordea, etxekoek abiadura handiagoa eman diote norgehiagokari eta bigarren zati hasierako erreakzioa dela medio, lehia berdintzea lortu dute.

Lehen zatiak ez du aukera garbirik izan. Norgehiagoka lehiatsua izaten ari zen Kike Garcíak eibartarrak aurreratu dituen arte. Cuencako aurrelariak era ezinhobean burukatu du Jordánek eskuin hegaletik ipinitako kornerra eta markagailuan huts eta batekoa ezarri du.

Handik gutxira, eta geldikako jokaldi batean berriro ere, Mendilibarrenen bigarrena iritsi da. Jordánek falta jaurtiketa dotorea egin du gizahesia gaindituz eta hala, errenta handitzea lortu du atsedenaldirako minutu gutxi falta zirela.

Tamalez, bigarren zati hasiera zorigaiztoko izan da Eibarrentzat. Hasi eta berehala, En-Nesyrik markagailuko errenta murriztea lortu du ezker oinez egindako jaurtiketa baten ondoren. Baloiak zutoinean jo ondoren sare barrurako norantza hartu du. Leganesek gogor eutsi dio neurketari eta abagune garbiak izan ditu lehia berdintzeko.

Eibarrek ahalmoduan eusten saiatu da. De Blasis hirugarrena egiteko gertu egon da. Baina azkenean Leganes izan da berdinketa lortu duena. Bigarrenez En-Nesyrik armaginen hutsari etekina atera dio eta burukada on batez norgehiagoka berdindu du. Hala, amaieran puntu banaketa izan da Butarquen.

SDE / J21 LaLiga Santander

Ordezkoak

Ordezkoak

Estadioa

Estadio Municipal Butarque (8.902 ikusleak)

Gol

  • 0-1 (29'). Kike G.
  • 0-2 (36'). Jordán
  • 1-2 (46'). Youssef En-Nesyri
  • 2-2 (67'). Youssef En-Nesyri

Epailea

Alejandro José Hernández Hernández..

SDE / Agenda

12 AP

Municipal de Ipurua

Partidua

Jardunaldia31 SD Eibar - Valencia CF

22 AP

Nuevo Los Cármenes

Partidua

Jardunaldia32 Granada CF - SD Eibar

26 AP

Municipal de Ipurua

Partidua

Jardunaldia33 SD Eibar - C.A. Osasuna

03 MAI

Ramón Sánchez-Pizjuán

Partidua

Jardunaldia34 Sevilla FC - SD Eibar

10 MAI

Municipal de Ipurua

Partidua

Jardunaldia35 SD Eibar - CD Leganés

Agenda ikusi