SDE / ALBISTEAK

Eibarrek Girona hartu du mendean neurketa borobila egin eta gero (3-0)

Armaginek beren alderdirik sendoena erakutsita urrezko hiru puntu lortu dituzte

Itzuli

03/02/2019 20:44

Eibarrek Girona hartu du mendean Ligako 22. jardunaldian. Armaginek garaipen berri bat eskuratu dute etxean eta talde lanean oinarrituta helburua geroz eta gertuago dute. Ate aurrean izandako eraginkortasunak zein defentsa lanetan erakutsitako sendotasunak erabakiorrak izan dira amaierako hiru puntuak etxean gelditzeko.

Norgehiagoka hasiera ezinhobea izan da eibartarrentzat. Mendilibarren mutilak maiztasun handiarekin iritsi dira Bonoren ate ingurura. Laugarren minutuan Orellanak taldea aurreratzeko aukera paregabe izan du, baina bere jaurtiketa langarekin topatu da. Handik gutxira, Cucurellaren txanda izan da. Kataluniarrak eskuinez egindako jauriketa gutxigatik irten da kanpora.

Minutuak aurrea egin ahala, ordea, Girona partiduan sartzen joan da eta bigarren jokaldien bitartez lehia orekatzea lortu du. Eibartarrak izan dira, aldiz, markagailuan aurreratu direnak. Lehen zatiko azken txanpan sartuak ginela, Peña Orellanaren pasea jaso du area barruan eta jaurtiketa bortitzez Bono gainditzea lortu du. Gironak berehala errekzionatu du baina Dmitrovicek erantzun bikaina eman dio Stunarik area barruan egindako jaurtiketari.

Bigarren zatiari are eta indartsuago ekin diote eibartarrek. Izan ere, hogei segundu besterik ez ditu behar izan Charlesek bigarren gola eskuratzeko. Aurrelariak Enrichen pasea jaso eta era ikusgarrian gainditu du Gironako atezaina. Ordu laurdena bete aurretik gainera, Charlesek hirugarren egin du penalti puntutik, amaierako hiru eta hutsekoa lortuz.

SDE / J22 LaLiga Santander

Ordezkoak

Ordezkoak

Estadioa

Municipal de Ipurua (4.419 ikusleak)

Gol

  • 1-0 (37'). R. Peña
  • 2-0 (46'). Charles L.
  • 3-0 (57'). Charles L. (p)

Epailea

José Luis González González..

SDE / Agenda

12 AP

Municipal de Ipurua

Partidua

Jardunaldia31 SD Eibar - Valencia CF

22 AP

Nuevo Los Cármenes

Partidua

Jardunaldia32 Granada CF - SD Eibar

26 AP

Municipal de Ipurua

Partidua

Jardunaldia33 SD Eibar - C.A. Osasuna

03 MAI

Ramón Sánchez-Pizjuán

Partidua

Jardunaldia34 Sevilla FC - SD Eibar

10 MAI

Municipal de Ipurua

Partidua

Jardunaldia35 SD Eibar - CD Leganés

Agenda ikusi